* * * *
* * *

 

 

Të dashur lexues

Për shkaqe teknike kemi ngelur qe disa javë pa aktualizimin e faqes sonë. Aq më tepër, erdhi edhe ditëlindja e viganit të revolucioneve - shokut Enver Hoxha, dhe ne mezi arritëm të tejkalojmë pengesat teknike.
Ju bëjmë me dije se, armiq të socializmit dhe komunizmit, e njëkohësisht të figurës së Enver Hoxhës, kanë tentuar të godasin faqen tonë, duke na shkaktuar ca dëme në serverin e administratotit të faqes, të cilat ne, me një përkushtim arritëm t'i reparojmë dhe njëkohësisht të vazhdojmë me pasurimin e kësaj faqe të lexuar nga shumë lexues në të katër anët e rruzullit tokësor.
Prandaj edhe urimi ynë për ditëlindjen e Enver Hoxhës vjen me një vonesë të shkurtër, për çfarë ne ju kërkojmë ndjesë.
Ne gjithmonë kemi thënë, themi dhe tani, e do të themi edhe në të ardhmen se, për Enver Hoxhën ka vetëm ditëlindje! Sepse Ai dhe vepra e tij që na ka lënë trashëgim rron e do të rrojë sa të rrojë njerëzimi dhe shfrytëzimi i njeriut nga njeriu, sa të ketë shtypës dhe të shtypur, sa të ketë shfrytëzues dhe të shfrytëzuar. I shtypuri dhe i shfrytëzuari do të gjejë gjithmonë tek vepra e Enver Hoxhës armën e tij të sigurtë për t'u çliruar nga shtypja e shfrytëzimi, për t'u çliruar nga skllavëria e shtypjes kapitaliste.

Urime pra, ditëlindja e të madhit shokut Enver Hoxha!

 

 

 

Ditëlindjet e Enverit

Emision dokumentar kushtuar ditëlindjeve të xhaxhi Enverit

 

* * * *
* * *

14.09.2011

Të dashur lexues

Po fillojmë publikimin e Vëllimit të 8-të, të fundit të Dokumentave Kryesore të PPSH-së, duke përfunduar kështu edhe me zotimin e dhënë për publikimin e këtyre materialeve tejet të rëndësishme në prag të ditëlindjes së 103 të shokut Enver Hoxha, duke kontribuuar kësisoji në ndriçimin e periudhës së lavdishme gjysmëshekullore të pushtetit popullor në Shqipërinë e epokës së prijësit tonë kombëtar Enver Hoxhës.

Le të jetë kjo një dhuratë për ju, lexues të nderuar, me rastin e 103-vjetorit të ditëlindjes së të pavdekshmit Enver Hoxha.

Ju urojmë lexim të këndshëm.

Redaksia

 

* * * *
* * *

 

28.08.2011

Të dashur lexues

Ashtu siç ju kemi premtuar, ne vazhduam me publikimin e Ditarit të shokut Enver Hoxha dhe të Dokumentave kryesore të PPSH. Nga ditari po fillojmë publikimin e Vëllimit të 9-të dhe të fundit, për të vazhduar më tej me publikimin edhe të katër vëllimeve tjera të Dokumentave kryesore të PPSH-së.

Redaksia është e përkushtuar që këto publikime t'i bëjmë si dhuratë për ditëlindjen e ardhshme të shokut Enver Hoxha më 16 Tetor 2011.

Redaksia

 

* * * *
* * *

 

 

07.05.2011

Të dashur lexues

Siç keni mundur të vëreni, ne veç kemi filluar kompletimin e faqes sonë të internetit kushtuar njërës nga figurat më të ndritura të kombit tonë dhe lëvizjes komuniste botërore, shokut Enver Hoxha.

Në navigacionin majtas kemi filluar aktivizimin e rubrikave dhe së shpejti do i plotësojmë secilën veç e veç. Të gjitha këto të nxjerra nga 70 veprat dhe ditarët e shokut Enver.

Njëkohësisht po fillojmë edhe me publikimin e 8 vëllimeve të Dokumentave kryesore të PPSH-së.

Redaksia

 

* * * *
* * *

 

25.04.2011

Të dashur lexues

Nga sot po fillojmë me publikimin e Ditarit politik të shokut Enver Hoxha, ditar i cili është i përfshirë në nëntë vëllime.

Pas Ditarit ne do të vazhdojmë edhe më tutje me publikimin e veprave të tjera të rëndësishme, të cilat do të na ndihmojnë akoma më shumë në zbardhjendhe publikimin e historisë së pushtetit popullor të diktaturës së proletariatit në Shqipëri për gati gjysmë shekulli.

Redaksia

* * * *
* * *

 

11.04.1985 - 11.04.2011

Me rastin e 11 prillit, përvjetorit të vdekjes së Enver Hoxhës, po publikojmë faqen e parë të gazetës "Zëri i popullit", e datës 12 prill 1985, ku njoftohej me dhimbje të thellë vdekja e udhëheqësit dhe prijësit të denjë të kombit e të Shqipërisë Socialiste, ideologut dhe komunistit të paepur internacionalist, Enver Hoxha.

Faksimil i gazetës "Zëri i popullit" i datës 12 prill 1985, ku njoftohej për vdekjen
e udhëheqësit, ideologut dhe arkitektit të Shqipërisë Socialiste,
shokut ENVER HOXHA

 

* * * *
* * *

 

08.04.2011

 

Të dashur lexues

Siç u zotuam muajin e kaluar, po fillojmë të publikojmë edhe Ditarin 13 për çështje ndërkombëtare të shokut Enver Hoxha, të fundit të kësaj fushe. Me këtë ne po i përmbushim zotimet tona dhe së shpejti do të vazhdojmë me aktivizimin e navigacionit në anën e majtë, pjesë e cila varej shumë nga publikimi i Veprave të shokut Enver.

Gjatë aktivizimit të navigacionit në anën e majtë, ne do të vazhdojmë edhe me publikimin e librave dhe botimeve tjera që kanë të bëjnë me Enver Hoxhën, jetën dhe veprën e Tij tejet të frytshme. Do të publikojmë sidomos edhe Ditarin e Tij politik në nëntë pjesë, pastaj "Dokumente kryesore të Partisë së Punës së Shqipërisë" në tetë vëllime. Kësisoji do të përfitojnë të gjithë ata që nuk kanë pasur mundësi dhe çasje në shkrimet e shokut Enver Hoxha dhe vendimet jetike të asaj perudhe, e sidomos gjeneratat e reja, të cilët këtë figurë të madhe të kombit tonë dhe jetën e atyre viteve as nuk e njohin fare, pos nga artikujt tendenciozë të gazetave bulevardeske të regjimit të renegatit Salih Berisha.

Pos publikimeve ne do vazhdojmë edhe me emisione dokumentare, muzikore, drama e filma shqiptarë, të krijuar gjatë periudhës së lavdishme të pushtetit popullor nën udhëheqjen e Partisë së Punës të Shqipërisë me në krye shokun Enver Hoxha.

 

Ju urojmë lexim e studim të këndshëm

Redaksia

 

* * * *
* * *

 

07.03.2011

Vepra 70

 

Të dashur lexues

Ashtu siç ju kemi premtuar, kemi mbaruar me skenimin e 70 veprave të shokut Enver Hoxha. Me këtë rast po publikojmë Veprën 70, të fundit në vazhdën e botimeve të veprave të Tij deri në vitin 1990.

Tani na ngelet që të gjurmojmë dhe sigurojmë edhe fatin e veprave të shokut Enver Hoxha të mbetura pa u botuar.

Jemi duke u përpjekur që deri më 11 prill të këtij viti, përvjetorin e ndarjes fizike të shokut Enver Hoxha, të përfundojmë me skenimin dhe publikimin e Ditarit për çështje ndërkombëtare, ditar i cili ka qenë i dedikuar për përdorim të brendshëm, ndërsa ne po ua bëjmë të mundur edhe spektrit të gjerë të lexuesve që të ketë çasje në këto shkrime të një rëndësie të veçantë.

Redaksia

* * * *
* * *

11.11.2010

Të dashur lexues

Me rastin përvjetorit të Revolucionit Socialist të Tetorit më 1917, po fillojmë të publikojmë krahas veprave edhe Ditarin e shokut Enver Hoxha për çështje ndërkombëtare. Ky ditar ka shumë vëllime dhe meqë ne e kemi futur në dorë kompletin do ta bëjmë publike për auditorin e gjerë të lexuesve dhe studjuesve.

Ju urojmë lexim të këndshëm

Redaksia

 

 

 

* * * *
* * *

 

 

Ditëlindjet e Enverit

Emision dokumentar kushtuar ditëlindjeve të xhaxhi Enverit

 

 

 

* * * *
* * *

 

 

 

* * * *
* * *

 

Të dashur vëllezër e motra!
Të nderuar vizitorë e vizitore të faqes kushtuar

ENVER HOXHËS!

Faqja e re e internetit, këtij mediumi masiv elektronik, e titulluar sipas vet emrit të figurës nga më të shquarat e kombit shqiptar – ENVER HOXHËS, është vetëm një përpjekje sado modeste për ruajtjen dhe kultivimin e veprës së pavdekshme të Tij që na ka lënë trashëgim.

Tani për tani në këtë faqe jeni duke parë vetëm një pjesë të cunguar të biografisë dhe sigurisht se do pyeteni, pse nuk ka asgjë tjetër. Faqja është në punim e sipër dhe për disa shkaqe teknike ka ngelur kështu, por jo edhe për shumë kohë. Ne e kemi lëshuar kështu këtë faqe për të shënuar një hap drejt qëllimit pikërisht me rastin e ditëlindjes së 99-të të Enver Hoxhës.

Është kjo një faqe, përmes së cilës duam të nxisim një debat publik në opinionin shqiptar, e pastaj edhe ate botëror, lidhur me jetën dhe veprën e Enver Hoxhës, këtij burrështeti shqiptar, i cili për një gjysmëshekulli drejtoi kombin dhe shtetin shqiptar. Kjo nga vet fakti se partitë politike në Shqipëri, qofshin ato që dje ishin në pozitë e sot në opozitë, qofshin ato që dje ishin në opozitë e sot janë në pozitë, e sidomos disa parti politike dhe krerë politikë në Kosovë, qe më shumë se një dekadë po vjellin helm e vrerë mbi këtë personalitet të shquar të kombit tonë, pa lejuar për asnjë moment që lidhur me këtë çështje të shqyrtohet arkivi dhe që dokumentacioni të bëhet publik. Përkundrazi, janë marrë vesh mes vete dhe kanë lidhur edhe marrëveshje që dosja "ENVER HOXHA" të mbyllet për dekada të tëra nën dryrin e hekurt të heshtjes. Por historia nuk fshihet dot as me plafët më të rëndë, as me dry të hekurt. Pastaj, bëhet fjalë për një gjysmë shekulli, e jo për një gjysmëdite! Prandaj ngrisim zërin duke thirrur:

STOP heshtjes!

Të hapet arkivi dhe të bëhet publik për të gjitha shtresat e popullsisë!

Faqja e hapur e internetit do të bëhet një katalizator në ndriçimin, ruajtjen dhe kultivimin e veprës së Enver Hoxhës. Përmes kësaj faqe do të përpiqemi që përmes mediave elektronike t’ua mundësojmë të gjitha shtresave të gjera të popullsisë të njihen më për së afërmi me veprat e shkruara të Enver Hoxhës (tani tabu temë në trojet shqiptare). Pra, do fillojmë të botojmë përmes internetit të gjitha veprat dhe librat e Tij. Lexuesit le të vlerësojnë e të gjykojnë vetë për to. Ne do i japim pa ndonjë censurë. Do të përpiqemi të sjellim edhe dokumentacion autentik origjinal, pa i komentuar ato.

Kjo faqe do ketë edhe një rubrikë për krijuesit e rinj të prozës e të poezisë, të cilët do provojnë pendën e tyre pikërisht në faqen kushtuar Enver Hoxhës.

Në këtë rrugë kemi nevojë edhe për ndihmën tuaj, lexues të nderuar. Prandaj na shkruani. Pranojmë çdo lloj kritike dhe sugjerimet tuaja të çmuara.

Redaksia
16 tetor 2007